मधेश प्रदेशमा पर्ने सप्तरी जिल्लाको पुर्वमा सुनसरी, पश्चिममा सिरहा, उत्तरमा उदयपुर तथा दक्षिणमा भारतको बिहार प्रदेशको मधुबनी जिल्ला पर्दछ । यस जिल्लाको कुल क्षेत्रफल १२१३.११ वर्गकि.मी. छ । बिगतमा आदीबासी थारुहरुको बाहुल्यता रहेको यो जिल्ला पछिल्ला दिनहरुमा बाहिरी जिल्लाहरुबाट बसाईसराईको क्रम बढेसंगै जातिय र साँस्कृतिक बिबिधता रहेको छ ।
जैविक विविधता, दुर्लभ वन्यजन्तु संरक्षण, देशकै ठूलो सप्तकोशी नदी, धार्मिक–भाषिक विविधता, अन्न भण्डार, विविध धार्मिक पर्यटकीय स्थल, धार्मिक साँस्कृतिक, सहिष्णुता समाज समेतले सप्तरीको चिनारी दिइरहेको छ ।